İSTİFADƏ ŞƏRTLƏRİ

Sonuncu dəfə yenilənib: 13 may 2022-ci il

1.   GİRİŞ

1.1 Bu veb-sayt www.honor.com/az/("Veb-sayt") üçün istifadə edə biləcəyiniz bu istifadə şərtləri ("İstifadə Şərtləri") Honor Information Technology Co., Ltd. ("biz/bizim/bizə/Honor") tərəfindən idarə edilir və qorunub saxlanılır. Veb-saytdan qonaq və ya qeydiyyatdan keçmiş istifadəçi kimi istifadə edə bilərsiniz. Veb-saytdan istifadə etməklə siz bu İstifadə Şərtlərini qeyd-şərtsiz qəbul etdiyinizi və onlara əməl etməyə razı olduğunuzu qəbul edirsiniz. Veb-saytın hər hansı bir hissəsindən istifadə etməyiniz Veb-saytdan ilk dəfə istifadə etdiyiniz tarixdən qüvvəyə minən bu İstifadə Şərtlərini qəbul etməyiniz deməkdir. Bu Istifadə Şərtləri ilə razı deyilsinizsə, Veb-saytdan istifadəni dərhal dayandırmalısınız.

1.2 Dəyişiklikləri onlayn dərc etməklə bu İstifadə Şərtlərini sizə xəbərdarlıq etmədən istənilən vaxt dəyişdirmək hüququnu özümüzdə saxlayırıq. Bu cür dəyişikliklər barədə vaxtında bildiriş əldə etmək üçün onlayn dərc edilən məlumatları müntəzəm olaraq nəzərdən keçirməyə görə siz məsuliyyət daşıyırsınız. Dəyişikliklər dərc edildikdən sonra Veb-saytdan istifadəyə davam etməyiniz dəyişdirilmiş İstifadə Şərtlərini qəbul etməyiniz deməkdir.

1.3 Siz Veb-saytdan istifadə haqqında vaxtaşırı təmin etdiyimiz hər hansı və bütün təlimatlara hər zaman əməl etməklə razılaşırsınız.

1.4 Biz sizə xəbərdarlıq etmədən istənilən vaxt Veb-sayta daxil olmaqdan imtina etmək, hesabları ləğv etmək, məzmunu silmək və ya redaktə etmək hüququnu özümüzdə saxlayırıq.

1.5 Veb-sayta daxil olmaq və ya ondan istifadə etmək üçün on səkkiz (18) yaşınız tamam olmalıdır. Əgər azyaşlısınızsa, yəni on səkkiz (18) yaşdan kiçiksinizsə, Veb-saytdan yalnız valideyn və ya qəyyumun iştirakı ilə istifadə edə bilərsiniz.

1.6 Honor bu Veb-saytı HongKongda, Çin Xalq Respublikasında idarə edir və işlədir. Bu Veb-sayta dünyanın istənilən yerindən daxil ola bilməyinizə baxmayaraq, bu Veb-sayt vasitəsilə və ya onda müzakirə edilən, qeyd edilən, təchiz edilən, yaxud təmin edilən bütün xüsusiyyətlər, məhsullar və ya xidmətlər bütün ölkələrdə/regionlarda əlçatan deyil. Bu Veb-sayta Çindən kənar ölkələrdən və ya regionlardan daxil olmağı seçsəniz, bu Veb-sayta daxil olmaq üçün tətbiq olunan bütün yerli qanunlara uyğunluğunuzu təmin etməyə görə öhdəlik daşıyırsınız.

2.   VEB-SAYT ÜZRƏ ƏQLİ MÜLKİYYƏT HÜQUQLARI VƏ MƏHDUD LİSENZİYA

2.1 Ticarət nişanları: Honor veb-saytında istifadə edilən və göstərilən bütün ticarət nişanları və loqolar Honor Company və ya onun lisenziar(lar)ına məxsusdur. Honor şirkəti və ya onun lisenziar(lar)ı tərəfindən açıq şəkildə icazə verilmədiyi təqdirdə Honor veb-saytında dərc edilən heç bir məzmun bu ticarət nişanlarından və ya loqolardan istifadə etmək üçün nəzərdə tutulan, razılaşdırılan və ya hər hansı digər şəkildə icazə, yaxud hüquq verilən hesab oluna bilməz. Əvvəlcədən yazılı icazə olmadan heç kim Honor Company ticarət nişanlarından heç bir şəkildə istifadə edə bilməz. Əgər siz lisenziya sahibləri, səlahiyyətli istifadəçilər, səlahiyyətli satıcılar, podratçılar, müştərilər və Honor Ticarət Nişanlarından istifadə etmək istəyən digər tərəflərsinizsə, Honor Company Ticarət Nişanı Siyasətinə keçid edin. 

2.2 Müəllif hüquqları: Honor veb-saytında göstərilən bütün materiallar və məzmunlar müəllif hüququ qanunları ilə qorunur və mülkiyyət hüququ Honor Şirkəti və ya onun lisenziar(lar)ı tərəfindən açıq şəkildə müəyyən edilməyibsə, Honor Company və ya onun lisenziar(lar)ına məxsusdur. Honor Company və ya onun lisenziar(lar)ının əvvəlcədən yazılı icazəsi olmadan materiallar və məzmunun surəti çıxarıla, çoxaldıla, paylana, təkrar çap oluna, nəşr edilə, hiperlink kimi ötürülə, digər serverlərə şəkillər kimi yüklənə, informasiya axtarışı sistemlərində saxlanıla və ya Honor veb-saytında hər hansı digər kommersiya məqsədi üçün istifadə oluna bilməz.

2.3 Honor bu Veb-saytdan Honor məhsulları və xidmətləri haqqında məlumatları endirmək üçün sizə məhdud lisenziya verir, o şərtlə ki:

(1) O yalnız şəxsi və kommersiya məqsədləri üçün istifadə olunur.

(2) Məlumatlara hər hansı şəkildə dəyişiklik edilmir.

(3) Bu məlumatlarla və ya bu məlumatları ehtiva edən fayllarla bağlı əlavə bəyanat, yaxud zəmanət verilmir.

(4) Bu məlumatlara dair müəllif hüquqlarımız ilə bağlı Honor-un qanuni hüquqlarını və maraqlarını göstərən heç bir təqdimat və/və ya bildiriş silinmir.

3.   VEB-SAYTIN ƏLÇATANLIĞI, TƏHLÜKƏSİZLİYİ VƏ DƏQİQLİYİ

3.1 Veb-saytı gündə iyirmi dörd (24) saat əlçatan etməyə çalışsaq da, hər hansı səbəbdən Veb-sayt istənilən vaxt və ya hər hansı bir müddət ərzində əlçatan olmadıqda biz öhdəlik daşımırıq. Veb-sayta girişinizin fasiləsiz, vaxtında və ya xətasız olacağına dair heç bir zəmanət vermirik. İnternetin təbiətinə görə buna zəmanət vermək mümkün deyil. Bundan əlavə, biz vaxtaşırı olaraq təmirlər, texniki xidmət həyata keçirə və ya yeni qurğular və funksiyalar təqdim edə bilərik.

3.2 Veb-sayta giriş şəxsən sizin və ya bütün istifadəçilər üçün istənilən vaxt xəbərdarlıq edilmədən müvəqqəti və ya daimi olaraq dayandırıla, yaxud geri çəkilə bilər. Biz hər hansı səbəbdən Veb-saytın hər hansı hissəsinin və ya onun məzmununun həcminə və istifadə üsuluna məhdudiyyətlər tətbiq edə bilərik.

3.3 Veb-saytın istifadə edə biləcəyiniz bütün avadanlıq təminatı və proqram təminatı ilə uyğun olacağına zəmanət vermirik. Veb-sayta daxil olmağınız və ya Veb-saytdan hər hansı material əldə etməyiniz, yaxud ondan istifadə etməyiniz nəticəsində hər hansı kompüter avadanlığına, proqram təminatına, verilənlərə və ya digər əmlaka dəyən ziyana, və ya onlara təsir edə biləcək viruslara, yaxud digər kodlara görə öhdəlik daşımayacağıq. Həmçinin biz üçüncü tərəflərin əməliyyatlarına görə də öhdəlik daşımayacağıq.

3.4 Veb-saytdakı məlumat və materialların düzgünlüyünü təmin etməyə çalışsaq da, onların tam, dəqiq, yenilənmiş, müəyyən bir məqsədə uyğun olduğuna dair açıq və ya nəzərdə tutulmuş heç bir zəmanət, yaxud təqdimat verilmir və biz qanunla icazə verilən dərəcədə hər hansı xəta və ya çatışmazlığa görə heç bir öhdəlik qəbul etmirik. Bu, sizə xidmət göstərmək üçün sizinlə bağlaya biləcəyimiz hər hansı bir müqaviləyə əsasən götürə biləcəyimiz hər hansı öhdəliyə, o cümlədən həmin müqaviləyə əsasən və müvafiq paroldan istifadə edən şəxslərə Veb-saytın təhlükəsiz hissəsi vasitəsilə dəqiq məlumat və məsləhət verməyə dair götürə biləcəyimiz hər hansı öhdəliyə təsir etməyəcək.

3.5 Veb-saytda olan materiallar yalnız məlumat məqsədləri üçün təmin edilir, eyni zamanda bizim tərəfimizdən heç bir cavabdehlik və ya zəmanət, yaxud öhdəlik verilmir.

3.6 Yalnız səlahiyyətli istifadəçilər bu Veb-saytın parolla qorunan və/və ya təhlükəsiz sahələrinə daxil ola və onlardan istifadə edə bilər. Hesabınızın və parolunuzun məxfiliyini qoruyub saxlamaq və Hesabınıza icazəsiz girişin qarşısını almaq məqsədilə kompüterinizə girişi məhdudlaşdırmaq üçün siz məsuliyyət daşıyırsınız. Siz Hesabınız və ya parolunuz altında baş verən bütün fəaliyyətlərə görə məsuliyyət qəbul etməklə razılaşırsınız. Belə sahələrə daxil olmağa cəhd edən icazəsiz istifadəçilər məsuliyyətə cəlb oluna bilər.

4.   İSTİFADƏ QAYDALARI

4.1 Bu Veb-sayt və Məzmun qeyri-qanuni və ya bu istifadə şərtlərində göstərilən əhatə dairəsindən kənarda istifadə edilə bilməz və ya digər şəxslərin, yaxud təşkilatların qanuni hüquq və maraqlarını pozmaq üçün istifadə edilə bilməz. Siz bu Veb-saytın və ya Məzmunun hər hansı hissəsinə əl ilə daxil olmaq, onu əldə etmək, nüsxəsini çıxarmaq və ya idarə etmək üçün hörümçəklər, robotlar, dəqiq linklər, veb-ayırıcılar və ya hər hansı eyni, yaxud oxşar üsullar daxil olmaqla hər hansı bir cihaz, proqram, ya da alqoritm formasından istifadə edə bilməzsiniz. Bundan əlavə, siz bu Veb-sayt tərəfindən təmin edilməyən üsullarla materiallara, mətnə, məlumatlara və ya digər məzmuna daxil ola, onu əldə edə və ya nüsxəsini çıxara bilməzsiniz.

4.2 Siz qeyri-qanuni hekinq və ya parol sındırma cəhdləri və ya hər hansı digər qeyri-qanuni vasitələrlə bu Veb-saytdakı hər hansı məzmuna və ya xidmətə icazəsiz daxil olmamalı və ya ondan istifadə etməməlisiniz. Sizə məxsus olmayan HONOR ID daxil olmaqla, lakin bununla məhdudlaşmayaraq, Veb-saytın istifadəçiləri və ya ziyarətçiləri haqqında hər hansı məlumatı izləməməli, onun üçün əks axtarış etməməli, onu sındırmamalı və ya deşifrə etməməli və bu Veb-saytdakı hər hansı xidmət, yaxud məlumatı heç bir şəkildə sui-istifadə etməməli, ya da açıqlamamalısınız.

4.3 Siz bu Veb-saytı və/və ya onun şəbəkəsini skanlamaqla zəif nöqtələr üçün sınaqdan keçirməməli və ya bu Veb-sayt və onun xidmətləri tərəfindən qəbul edilmiş təhlükəsizlik, yaxud kimliyin əslliyinin yoxlanması tədbirlərini pozmamalısınız. Siz bu Veb-sayt və ya onunla əlaqələndirilən şəbəkələr tərəfindən istifadə edilən təhlükəsizlik mexanizmlərini və ya əslliyi yoxlama tədbirlərini pozmamalısınız. Siz bu Veb-saytla bağlı hər hansı şəbəkə zəifliyini araşdırmamalı, skanlamamalı və ya başqa üsullarla sınaqdan keçirməməli, yaxud ona qarşı hər hansı formada kiberhücumlar həyata keçirməməlisiniz.

4.4 Siz bu Veb-saytın normal əməliyyatlarına və ya digərlərinin ondan istifadəsinə, yaxud bu Veb-saytda aparılan hər hansı əməliyyata müdaxilə etmək və ya müdaxilə etməyə çalışmaq üçün heç bir cihaz, proqram təminatı və ya proqramdan istifadə etməməklə razılaşırsınız. Siz bu Veb-saytın infrastrukturları, sistemləri və ya şəbəkələri, yaxud bu Veb-saytla əlaqələndirilən sistemlər və ya şəbəkələrdə əsassız, ya da uyğun olmayan həcmdə verilənlər saxlayan heç bir əməliyyatla məşğul olmamalısınız.

4.5 Siz bu Veb-saytdan və Məzmundan qanunları pozan, digərlərinin hüquq və maraqlarını pozan, ictimai asayişi pozan, ictimai sabitliyi pozan və ya kompüter sistemlərinə və şəbəkə təhlükəsizliyinə zərər verə bilən, yaxud onu zədələməyə cəhd edən hər hansı fəaliyyətlə məşğul olmaq üçün istifadə etməməlisiniz.

4.6 Bu veb-saytdan və onun məzmunlarından istifadə etməklə siz İxrac Nəzarətləri daxil olmaqla, lakin bununla məhdudlaşmayaraq tətbiq edilən qanun və qaydalara riayət etməklə razılaşırsınız. Həmin qanun və qaydalara riayət etmək məqsədilə bizim bu veb-saytın hamısına və ya bir hissəsinə girişinizi məhdudlaşdırmaq, yaxud ləğv etmək hüququmuz var.

5.   HESAB, PAROL VƏ TƏHLÜKƏSİZLİK

5.1 Bu Veb-saytda müəyyən xüsusiyyət və ya xidmətlərdən istifadə etmək üçün siz qeydiyyatdan keçməli və ya HONOR ID-yə daxil olmalı ola bilərsiniz. Hesabınızın və parol məlumatlarınızın gizli və məxfi saxlanılması üçün tam məsuliyyət daşımalısınız və bu cür məlumatların sizin səbəb olduğunuz səbəblərə görə açıqlanması halında hesabınıza aid hər hansı davranışa görə öhdəlik götürməlisiniz. 

5.2 Siz HONOR Club-da qeydiyyatdan keçdikdən sonra sizdən Hesabınız üçün istifadəçi adı yaratmağınız, parol təyin etməyiniz və şəxsi məlumatlarınızı təqdim etməyiniz tələb olunacaq. Parolu məxfi saxlamalısınız.

5.3 Siz parolun dəyişdirilməsi, yaxud hesabınıza icazəsiz giriş və ya ondan istifadə daxil olmaqla, lakin bunlarla məhdudlaşmayaraq hesabda hər hansı qeyri-adilik barədə dərhal Honor-a məlumat verməlisiniz. Hesab məlumatlarınızı məxfi saxlamasanız və nəticədə HONOR ID-niz digərləri tərəfindən istifadə olunarsa, siz Honor-a və ya bu Veb-saytın digər istifadəçilərinə dəyən itkiləri ödəməlisiniz. Siz hesab sahibinin açıq razılığı olmadan digərlərinin HONOR ID-dən istifadə etməməlisiniz. Honor sizin bu Maddəni pozmağınızdan irəli gələn itkilərə görə heç bir məsuliyyət daşımayacaq.

5.4 Bu Veb-sayta daxil olmaq üçün HONOR ID-dən hesab kimi istifadə edirik. HONOR ID İstifadəçi Müqaviləsinə də əməl etməlisiniz. Hesabınızın qeydiyyatı ilə əlaqədar olaraq Bizim məlumat toplamaq hüququmuzun olduğunu qəbul edirsiniz və onunla razılaşırsınız. Bu cür məlumatların istifadəsi Məxfilik Siyasətimizin şərtlərinə və tətbiq olunan qanunlara uyğun olmalıdır.

5.5 Siz müntəzəm olaraq daxil olduğunuz etibarlı şəxsi e-poçt ünvanı ilə qeydiyyatdan keçməlisiniz ki, digər şeylərlə yanaşı, sizə administrasiya e-poçtları da göndərmək mümkün olsun.

5.6 Siz Veb-saytdan Veb-saytın və ya ona girişin hər hansı şəkildə kəsilməsinə, zədələnməsinə və ya zərər görməsinə səbəb olan, yaxud səbəb ola biləcək şəkildə istifadə etməməlisiniz. Əməliyyatlarınız Veb-saytı hər hansı şəkildə pozsa və ya poza bilərsə və siz Veb-saytdan yalnız qanuni məqsədlər üçün istifadə etməyə razılaşsanız, Hesabınızı ləğv etmək hüququmuzu özümüzdə saxlayırıq.

6.   İSTİFADƏÇİ MƏZMUNU 

6.1 Bu Veb-saytın istifadəçiləri qeyri-qanuni, ədəbsiz, təhqiredici, hədələyici, böhtan xarakterli olmayan, etiraz doğurmayan, qeyri-dəqiq olmayan, şəxsi həyatın toxunulmazlığını pozmayan, əqli mülkiyyət hüquqlarını pozmayan və ya üçüncü şəxslərə başqa şəkildə zərər vurmayan və proqram təminatı virusları, yaxud hər hansı formada spam ehtiva etməyən rəylər, şərhlər və digər məzmunları dərc edə bilərlər. Veb-saytda dərc edilən şərhlər və digər materiallar hansı əsaslara etibar edilməli olduğu barədə məsləhət vermək üçün nəzərdə tutulmur. Buna görə də biz Veb-saytın hər hansı ziyarətçisi və ya onun məzmunlarından hər hansı biri haqqında məlumatlandırıla bilən hər hansı bir şəxs tərəfindən bu cür materiallara etibar edilməsindən irəli gələn bütün öhdəlik və məsuliyyətdən imtina edirik.

6.2 Honor İstifadəçi Məzmununa nəzarət etmədiyinə və ya onu əvvəlcədən yoxlamadığına görə Honor hər hansı İstifadəçi Məzmununun düzgünlüyünə, bütövlüyünə və ya keyfiyyətinə heç bir zəmanət vermir və siz etiraz edilə bilən, nalayiq və ya uyğunsuz İstifadəçi Məzmununa məruz qala biləcəyinizi qəbul edirsiniz. Yuxarıda göstərilənlərə baxmayaraq, Honor əvvəlcədən xəbərdarlıq etmədən öz qərarına əsasən İstifadəçi Məzmununu istənilən vaxt əvvəlcədən yoxlamaq, süzgəcdən keçirmək, məhdudlaşdırmaq, bloklamaq, onun yerini dəyişdirmək, ondan imtina etmək, onu dəyişdirmək və ya silmək hüququnu özündə saxlayır. Siz Honor-a vulqar, təhqiredici, etiraz edilə bilən, nalayiq və ya uyğunsuz hesab etdiyiniz hər hansı məzmunu bildirə bilərsiniz və Honor uyğun hesab etdiyi hər hansı tədbiri görə bilər.

6.3 Bununla da siz bizə təqdim etdiyiniz və ya Veb-saytda istifadə etmək, ya da xidmətlərimizin ümumi marketinqi üçün (istənilən vasitələrlə, yaxud istənilən mediada) Veb-saytda dərc etdiyiniz hər hansı materialdan istifadə etmək məqsədilə (İstifadə Şərtləri və müvafiq qanunlar əsasında) bizə geri qaytarıla bilməyən, rüsumsuz, dünya miqyasında, təyin oluna bilən, alt-lisenziyası verilə bilən lisenziya verirsiniz.

6.4 Bu Veb-saytda təmin etdiyiniz istənilən istifadəçi rəyi qeyri-məxfi hesab olunur. Honor bu məlumatlardan sərbəst istifadə etmək hüququnu özündə saxlayır.

7.   ÜÇÜNCÜ TƏRƏF VEB-SAYTLARI

7.1 Biz filiallarımızın və digər müəssisələrin veb-saytlarına və ya digər müstəqil üçüncü tərəf veb-saytlarına linklər təqdim edirik, lakin bu cür əlaqələndirilmiş saytların məzmununa nəzarətimiz yoxdur və bununla bağlı heç bir məsuliyyət daşımırıq. Bu cür əlaqələndirilmiş saytlar yalnız sizin rahatlığınız üçün "olduğu kimi" təqdim olunur, Honor əlaqələndirilmiş veb-saytlarda təqdim olunan məzmun, xidmətlər və məlumatlarla bağlı açıq və ya nəzərdə tutulan heç bir zəmanət vermir, yaxud bu linklər Honor-un tövsiyəsi, ya da əlaqələndirilmiş veb-saytlarla bağlı icazə kimi qəbul edilməyəcək. Siz bu əlaqələndirilmiş saytların məxfilik bildirişini və digər istifadə şərtlərini diqqətlə nəzərdən keçirməlisiniz və onlara giriş öz qərarınıza əsaslanır və özünüz risk götürürsünüz. Veb-saytın link təmin etdiyi hər hansı üçüncü tərəf saytının heç bir təsdiqini və ya tövsiyəsini vermirik.

7.2 Bununla biz sizə veb-saytınızda Veb-saytımızın əsas səhifəsinə link təmin etmək üçün geri qaytarıla bilən, qeyri-müstəsna, rüsumsuz lisenziya veririk, o şərtlə ki, siz bunu bizim nüfuzumuza xələl gətirmədən və ya ondan istifadə etmədən ədalətli və qanuni şəkildə edirsiniz.

7.3 Xüsusilə:

(1) Əvvəlcədən açıq yazılı icazəmiz istisna olmaqla, biz, xidmətlərimiz və ya siyasətlərimizə dair heç bir zəmanət verməməlisiniz; 

(2) Biz və ya xidmətlərimiz, yaxud siyasətlərimiz haqqında yanlış, yanıldıcı, alçaldıcı və ya təhqiredici heç nə deməməlisiniz; 

(3) Siz səhvən (açıq və ya üstüörtülü şəkildə) veb-saytınızı təsdiq etdiyimizi və ya onunla hər hansı bir qaydada əlaqəmiz olduğunu təklif etməməlisiniz; 

(4) Siz replikaların, saxtakarlıqların və ya əqli mülkiyyət hüquqlarını pozan digər malların/xidmətlərin, yaxud başqa cür icazəsiz elementlərin satışı, ya da alışı ilə əlaqədar veb-saytımızın linkini təmin etməməlisiniz; 

(5) Siz vulqar, təhqiredici, etiraza səbəb olan, nalayiq və ya uyğunsuz məzmunla əlaqədar veb-saytımızın linkini təqdim etməməlisiniz.

8.   MƏXFİLİK

Bu Veb-sayta Məxfilik və Şəxsi Məlumatların Mühafizəsi Siyasəti tətbiq olunur. Hər bir səhifənin aşağısında Məxfilik Siyasəti üzərinə klikləməklə təfərrüatları oxuya bilərsiniz. Qeyd etmək lazımdır ki, nə şəbəkə bağlantısı, nə də məlumat ötürülməsi tamamilə təhlükəsiz və məxfidir. Honor təqdim etdiyiniz məlumatların başqaları tərəfindən ələ keçirilməsinin təhlükəsizliyinə zəmanət verə bilməz.

9.   HÜQUQLARIN QORUNUB SAXLANMASI

Honor istənilən vaxt xəbərdarlıq etmədən aşağıdakı əməliyyatları icra etmək hüququnu özündə saxlayır:

(1) Səbəbindən asılı olmayaraq istənilən vaxt bu Veb-saytın bütün və ya bir hissəsinin xidmətini dayandırmaq və ya ona xitam vermək;

(2) Məzmunun hamısını və ya bir hissəsini, eləcə də hər hansı müvafiq siyasəti, şərti, yaxud bəndi düzəltmək, ya da dəyişdirmək;

(3) Müntəzəm və ya qeyri-müntəzəm fasilələrlə texniki xidmət, xətaların düzəldilməsi, yaxud digər bu kimi dəyişikliklər məqsədilə veb-saytın hamısının, ya da bir hissəsinin fəaliyyətini dayandırmaq.

10.      İMTİNA

Honor bu Veb-saytın, onun məzmununun və ya "olduğu kimi" təqdim edilən xidmətlərinin mövcudluğuna, davamlılığına və əlçatanlığına zəmanət vermir. İstifadəçi kimi bu Veb-saytdan və hər hansı əlaqələndirilmiş veb-saytdan istifadənizə görə bütün məsuliyyəti siz daşıyırsınız. Bu Veb-saytın hər hansı və ya bütün xidmətləri sizi qane etməsə, sizin üçün yeganə tədbir bu Veb-saytdan istifadənizlə bağlı Honor ilə müqavilənizin bir hissəsi kimi bu Veb-saytın hamısından və ya bir hissəsindən istifadəni dayandırmaqdır. Məhsul funksiyaları, spesifikasiyaları, parametrləri, texniki standartları və xidmət məzmunu daxil olmaqla, lakin bunlarla məhdudlaşmayaraq, əlçatan məhsul və xidmətlərin növləri haqqında bu Veb-saytda ictimaiyyətə açıqlanan məlumatlar ölkələr/regionlar arasında fərqli ola bilər. Hətta eyni məhsul müxtəlif təkmilləşdirmə mərhələlərində məhsulun funksiyaları, spesifikasiyaları, parametrləri və texniki standartları baxımından fərqlənə bilər. Veb-sayt məlumatları bu cür dəyişikliklərlə dərhal yenilənə bilmədiyinə görə onlayn gördüklərinizlə bazarda satılanlar arasında fərqlər ola bilər. Honor bu Veb-saytın məzmununun düzgünlüyünə, tamlığına və etibarlılığına zəmanət vermir.

11.      TƏZMİNAT

Siz bu İstifadə Şərtlərini və ya istinadla daxil edilmiş hər hansı sənəd(lər)i, yaxud hər hansı qanunu, qaydanı, nizamnaməni və ya üçüncü tərəfin hüquqlarını pozduğunuz üçün, ya da ondan irəli gələn əsaslı vəkillik haqları və ya hər hansı üçüncü tərəfin başlatdığı/yaratdığı cərimələr daxil olmaqla hər hansı iddia və ya tələb, yaxud hərəkətə görə Honor-a, onun törəmə şirkətlərinə, filiallarına və onların müvafiq məmurlarına, direktorlarına, agentlərinə və işçilərinə təzminat ödəyəcək və onların zərər görməməsini təmin edəcəksiniz.

12.      BURAXILIŞ

Honor ilə əlaqəniz prinsipial əsasdadır və bu İstifadə Şərtlərini qəbul etməklə razılaşırsınız ki, Honor Veb-saytda qeyd olunan məhsullara nəzarət etmir və ya onlara görə öhdəlik daşımır. Honor heç bir istifadəçinin kimliyinə və ya identifikasiya göstəricilərinə zəmanət vermir. Bununla siz Honor və/və ya onun filiallarını və/və ya məmurlarını və nümayəndələrini Veb-saytın digər istifadəçilərinin hər hansı bir hərəkətinin/hərəkətsizliyinin səbəb olduğu hər hansı xərcdən, zərərdən, öhdəlikdən və ya hər hansı digər nəticədən (hüquqi və ya başqa şəkildə) azad edirsiniz.

13.      ÖHDƏLİYİN MƏHDUDLAŞDIRILMASI

13.1 Qanunla başqa cür qadağan edilmədiyi halda Honor yuxarıda qeyd olunan zərərin baş verə biləcəyini bilsə belə, faydaların itirilməsi də daxil olmaqla, lakin bunlarla məhdudlaşmayaraq hər hansı dolayı, əhəmiyyətli, islahedici, təsadüfi və ya cəza xarakterli zərərə görə istifadəçilər qarşısında məsuliyyət daşımayacaq. Bu Veb-saytdan istifadəniz hər hansı formada zərər və ya itki ilə nəticələnərsə, Honor və onun tərəfdaşlarının sizə verə biləcəyi tam və maksimum kompensasiya bu Veb-saytın xidmətlərindən, ya da funksiyalarından istifadənizlə bağlı hər hansı abunə haqqını, yaxud oxşar ödəniş məbləğini keçməyəcək. Öhdəlik bəzi hüquqi aspektlərlə bağlı məhdudlaşdırıla bilməz. Buna görə də yuxarıda qeyd olunan məsuliyyət məhdudiyyəti sizə aid olmaya bilər.

13.2 Bundan əlavə, siz qəbul edirsiniz ki, Veb-saytdan və ya oradakı hər hansı materialdan istifadənizə və ya istifadə edə bilməməyinizə, yaxud istifadənin gecikməsinə və ya ondan əldə edilə bilən hər hansı bir əməliyyata, ya da Veb-saytdan və ya hər hansı bu cür materialdan istifadə nəticəsində qəbul edilmiş qərardan irəli gələn hər hansı dolayı və ya əhəmiyyətli itki, zərər, xərc və ya məsrəf; faktiki və ya gözlənilən mənfəətin itirilməsi; müqavilələrin itirilməsi; puldan istifadə itkisi; gözlənilən əmanətlərin itirilməsi; gəlir itkisi; qudvil itkisi; nüfuzun itirilməsi; biznesin itirilməsi; əməliyyat vaxtının itirilməsi; fürsətin itirilməsi; verilənlərin itirilməsi, zədələnməsi və ya korlanmasına görə bu cür itkilərin əsaslı şəkildə proqnozlaşdırıla bilən olub-olmaması və ya bu cür itkilərə məruz qalma ehtimalınız barədə bizə məlumat verilib-verilməməsindən asılı olmayaraq heç bir öhdəlik (müqavilə, hüquq pozuntusu, səhlənkarlıq, təhrif, geri qaytarma və ya hər hansı hüquqi məsuliyyət altında) daşımayacağıq.

14.      XİDMƏTLƏRƏ XİTAM VERİLMƏSİ

Razılaşırsınız ki, əgər Honor sizi bu istifadə şərtlərindən hər hansı birini pozmuş hesab edərsə, Honor öz qərarına əsasən əvvəlcədən xəbərdarlıq etmədən bu Veb-sayta girişinizə xitam verə və ya onu bloklaya bilər. Əgər Honor bu istifadə şərtlərini pozmağınız nəticəsində bu Veb-sayta girişinizə xitam verərsə, Honor sizə və ya hər hansı üçüncü tərəfə qarşı heç bir məsuliyyət daşımır. Razılaşırsınız ki, Honor öz qərarına əsasən sizə əvvəlcədən xəbərdarlıq etmədən aşağıdakılar daxil olmaqla, lakin bunlarla məhdudlaşmayan səbəblərə görə bu Veb-saytın bütün funksiyalarına və ya bir hissəsinə girişinizə xitam vermək hüquqlarını özündə saxlayır:

(1) Qanuni tələblərə və ya digər hökumət orqanlarının tələblərinə cavab olaraq.

(2) Öz sorğunuza cavab olaraq (məsələn, onlayn alış-veriş xidmətlərinin əlçatan olmaması ilə nəticələnə bilən hesabın silinməsi sorğuları kimi).

(3) Xidmətin dayandırılması və ya bu Veb-saytda, yaxud onun hər hansı xidmətində əsaslı dəyişiklik.

(4) Gözlənilməz texniki problemlər.

15.      MÜDDƏANIN ETİBARSIZLIĞINA BAXMAYARAQ MÜQAVİLƏNİN QÜVVƏDƏ QALMASI

Əgər bu şərtlərdən hər hansı birinin bu şərtlərin qüvvəyə minməsi nəzərdə tutulan hər hansı dövlətin və ya ölkənin qanunlarına əsasən qeyri-qanuni, etibarsız və ya başqa şəkildə icraedilməz olduğu müəyyən edilərsə, həmin şərt qeyri-qanuni, etibarsız və ya icraedilməz olduğu dərəcədə və yurisdiksiya daxilində ixtisar olunacaq və silinəcək və qalan İstifadə Şərtləri qalacaq, tam qüvvədə və təsirdə olacaq və məcburi və icra oluna bilən olmağa davam edəcək.

16.      TƏTBİQ EDİLƏN QANUN VƏ MÜBAHİSƏLƏRİN HƏLLİ

Bu istifadə şərtləri Hongkong qanunlarına uyğun olaraq tənzimlənir və şərh edilir. Bu İstifadə Şərtlərindən irəli gələn hər hansı iddia və ya mübahisə məhkəmə çəkişmələri üçün Futian rayonu, Şenzen ərazisindəki Xalq Məhkəməsində məhkəmələrin müstəsna yurisdiksiyasına təqdim ediləcək.

17.      DİGƏR MÜDDƏALAR

17.1 Bu istifadə şərtləri bu Veb-saytdan istifadə ilə bağlı sizinlə Honor arasında tam müqaviləni təşkil edir və bu Veb-saytdan istifadə ilə bağlı sizinlə Honor arasında əvvəllər bağlanmış bütün yazılı və ya şifahi müqavilələri əvəz edir. Sizinlə Honor arasında imzalanmış digər müqavilələrdə nəzərdə tutulanlar istisna olmaqla Honor bu istifadə şərtləri ilə bağlı heç bir əks təklifi qəbul etməyəcək.

17.2 Əgər Honor bu istifadə şərtlərinə ciddi şəkildə əməl etmirsə və onları yerinə yetirmirsə, bu, Honor tərəfindən bu şərtlərin məzmunu və ya yerinə yetirilməsi ilə bağlı hüquqlardan imtina kimi qəbul edilməməlidir. Honor ilə siz və ya üçüncü tərəf arasında icra edilən hər hansı əməliyyat bu şərtlərin heç birinə dəyişiklik kimi qəbul edilməməlidir.